طبعا رحلتي انا واهلي لأبها وماجاورها من ديار

طلعنا من الرياض على طريق الخرج ومع مفرق الدلم فرقنا لوادي الدواسر

ماوقفنا الا بوادي الدواسر الحمدلله واخذنا لنا ليله هناك ويوم قمنا الصباح وعيّنا من الله خير

توكلنا على الله لأبها , طبعا سكنآ بخميس مشيط لهدوئها لأنها اهدأ من ابها

ومن ثم طلعنا للنماص وسكنا فيها 3 ايام مرورا بتنومه وبلسمر وبلحمر

بالنسبه لي انا من النماص للرياض , اهلي كملوا مشوارهم من النماص الى الباحه وجلسوا تقريبا 4 ايام مرورا ببلجرشي وبلقرن

ومن ثم الى مكه اسبوع تقريبا وامس جوني بالرياض

الى الصور

دخولنا لخميس مشيط

قطرات مطر

جلسنا بالبيت وتواسينا بعدين طلعنا للسوده

مسجد الملك فيصل قبل مفرق السوده

مسجد الملك فيصل

جاز لي هالبيت على طريق السوده

مطل في السوده

صوره لجبل من مطل السوده

ثم طلعنا من السوده متوجهين لمنتزه الامير سلطان

وجلسنا وشبينا على القهوه الا وماشاء الله بدت تمطر وتضرب ضرب موب صاحي

اهلي هجوا للسياره وانا وابوي طول الله بعمره جالسين نضف قشنا

الملقمة والبريدز غرقن

وذا الشارع

ثم طلعنا لطرف خميس مشيط وانلفزنا لنا بديره هناك وقابلنا ابو شنب والرعيه

رحنا البيت ونمنا وقمنا < لا ياشيخ ؟

عاد قمنا من باتسر وطلعنا للحبله نبي نشوف هبال الشباب هناك

لكم الصور من التحجير بالسيارات

كوامري

أكورد

أوريون < اهداء لسلمان القحطاني

يالبى العرب

حتى الباص ماسلم , ارحمنا ياشيخ

ثم نزلنا للواديين

فرشنا الفرشه وجلسنا وشبينا على الغداء

جلسنا نلعب اونو خخخخخ

طبعا غلبتهم فوق 3 مرات هع هع

ثم التفت للشجره اللي فوقي وهي شجرة شوك

بس اشوف فيه شجرة بوسط شجرة الشوك , فوق يعني

شوفوا

مدري الصراحه عيّت تدخل بمزاجي شوفوا شجرة موب شجرة شوك , داخله بوسط شجرة الشوك خخخ

بدأ يلعب لعبته

جت براسي فكره اني احط ليمون اسود والبخار يطلع من الكاتم , الصراحه حركه رهيبه بقووه

كاسة شاهي هالماشي

ثم قمت قلت خلن ابآخذ جوله تصويريه

مآكرو لشجرة شوك صغيره

قوة صخر , وعطاء شجر , وعذوبة مطر

” الصوره بدون اي تعديل بالفوتوشوب , ولا حتى تشبيع لوني , فقط استخدمت العزل اللوني وذلك من خصائص الكام ”

احم احم بالعافيه علينا هع

اقتراحات في نهاية رحلة ذلك اليوم /

اذا قضيت من الغداء ولا العشاء , الله لا يهينك كلف عمرك شوي ودوّر لك بيت نمل وكب عنده الرز

دايم اذا طلعنا يخلص الماء بسرعه ,

يعني نستهلك مويه موب طبيعيه لذلك بدر اقتراح من ابوي انه تكوي راس بريدز الماء بالنار

علشان يموع وتصغر فتحته , علشان مايصير يصب بقوه

يعني كذا ولاحظوا فتحته صغرت

وهنا وهو يصب , شوفوا اقتصدنا بالماء واجد

عاد هنا انتهت رحلنا لذاك اليوم وقمنا للبيت وتسذا , من باتسر رحنا لقرية المفتاحة

قرية المفتاحة

اخذت جوله فيها ومريت بـ

هذا المسجد تم تجسيده من قبل سجين

المجسم قائم على اعواد الكبريت

صوره مقربه لأعواد الكبريت

ثم دخلت معرض رسم للفنان / محمد شراحيلي

اذا الشعب يبون يحذفون الصوره علشان فيها صورة الوجه يعلموني احذفها او يحذفوها المشرفين

مع اني اشوف مافيها شيء

وطلعنا من قرية المفتاحة بدري ورحنا لتمنيه

ديره ياشباب وياصبايا لا تفوتكم

والله ياهي براااد وضباب

لدرجة اخوي وابوي على بعد تقريبا 3 متر عني , والله ما اشوفهم !

انا كنت فوق جبل وصورت لكم اختفاء الديره تحت الضباب

ثم تغدينا هناك ونزلنا على اخر العصر

انتهى التقرير وكلي اماني ان الله وفقني في هذا التقرير

وانه يكون كامل والكامل وجهه سبحانه

اتمنى انكم عشتوا معاي الرحله بالصور

معي علم ان جودة ليست بالعاليه وكذلك اخراج الموضوع ليس بالجيد

لكن مد رجلينك على قد لحافك

استخدمت كام : Canon S5 is

محدثكم / جهاد بن عبدالله العايد التميمي

< شايل قرع

هذا رابط الملف المضغوط للي عيّت تطلع معهم الصور
حجمه كبير شوي , وذلك لأن صيغة الصور عاليه

http://www.4shared.com/file/M46WkzEn/Jehads.html

أحب ربوع بلآدي